Բոլթոնը տառապում է «Իրանին նեղություն պատճառելու» քրոնիկ հիվանդությամբ. Իրանի ԱԳՆ

Բոլթոնը վաղուց ի վեր ապացուցել է, որ ատում է իրանցիներին: Նա ունի անհամաչափ վարվելակերպ եւ տառապում է «Իրանին նեղություն պատճառելու» քրոնիկ հիվանդությամբ: Ըստ alikonline.ir-ի` այս մասին հայտարարել է Իրանի ԱԳՆ պաշտոնական ներկայացուցիչ Բահրամ Ղասեմին՝ արձագանքելով նախօրեին ԱՄՆ նախագահի ազգային անվտանգության հարցերով օգնական Ջան Բոլթոնի հակաիրանական հերթական հայտարարությանը: «Հաճախ գիտակցաբար կամ էլ անգիտակցաբար հայտարարություններ է անում կամ կիրառում այնպիսի բառապաշար, որից ընդհանրապես խուսափում են փորձառու եւ արհեստավարժ դիվանագետները»,- նշել է նա:

Հիշեցնենք՝ Բոլթոնը հայտարարել էր, որ ԱՄՆ-ը շարունակելու է ճնշում գործադրել Իրանի իշխանությունների վրա: «Մենք ենթադրում ենք, որ Իրանի կառավարությունը հզոր ճնշում է զգում, եւ մենք մտադիր ենք շատ ուժեղ ճնշել նրանց»,- ասել էր նա: