Բոլթոնը բացահայտել է Իրանին հարված հասցնելու որոշման մանրամասները

ԱՄՆ նախագահի նախկին խորհրդական Ջոն Բոլթոնը քննադատել է Սպիտակ տան ղեկավար Դոնալդ Թրամփին՝ Իրանին հարված հասցնելու մերժման համար: Այս մասին Բոլթոնը գրում է «Սենյակ, որտեղ այն տեղի է ունեցել. Հուշեր Սպիտակ տնից» գրքում:

Նա հիշեցրել է, որ Իրանը խոցել է ԱՄՆ անօդաչու թռչող սարքը: Դրանից հետո Սպիտակ տունը քննարկել է Իրանում երեք ռազմական օբյեկտների վրա հարձակման հարցը, որոնք, իբր, կառուցվել են ռուս մասնագետների կողմից:

«Թրամփը հարցրեց՝ արդյո՞ք այդ օբյեկտները ռուսական են և որքանով են դրանք թանկ», - գրում է Բոլթոնը: Բացի այդ, քննարկվել է Ռուսաստանի քաղաքացիների շրջանում զոհերի հարցը:

Նախկին խորհրդականը հայտնել է, որ Թրամփը հրաժարվել է հարվածներից՝ հիմնվելով Սպիտակ տան իրավախորհրդատուի տեղակալի Ջոն Էյզենբերգի տեղեկությունների հիման վրա: Վերջինս նշել էր, որ հարձակումը կարող է հանգեցնել 150 մարդու մահվան:

Հիշեցնենք, որ 2019-ի հունիսին Իսլամական հեղափոխության պահապանների կորպուսը հաղորդել էր, որ խոցվել է ԱՄՆ-ի անօդաչու ինքնաթիռը, որը խախտել էր իրանական օդային տարածքը: Ըստ Վաշինգտոնի՝ անօդաչու ինքնաթիռը գտնվում էր միջազգային օդային տարածքում: