Տիգրանը տառապում է հազվագյուտ հիվանդությամբ, նա մեր օգնության կարիքն ունի

SHAMSHYAN.com-ն հայտնում է, որ հունիսի 5-ին SHAMSHYAN.com-ին են դիմել Կոտայքի մարզի Հրազդան քաղաքի բնակիչներ` Ավետիսյանների ընտանիքը:

Նրանց միակ որդու` 17-ամյա Տիգրան Ավետիսյանի մոտ հունվար ամսից նկատվել է սուր հազ և թուլություն: Մարտի 28-ին վիճակը կտրուկ վատանում է, և Տիգրանին ծայրահեղ ծանր վիճակով տեղափոխում են Երևանի «Էրեբունի» բժշկական կենտրոնի վերակենդանացման բաժանմունք:

Բժշկական կենտրոնում կատարված հետազոտությունների արդյունքում պարզվում է, որ Տիգրանի մոտ առկա է Գուդպասչերի համախտանիշ հիվանդությունը, որը հազվագյուտ և անբուժելի հիվանդություն է Հայաստանում:

Ընտանիքը դիմել է Իսրայելի «Ռամբան» բժշկական կենտրոն` տղային տեղափոխելու և բուժումը շարունակելու նպատակով:

Տիգրան Ավետիսյանի ծնողները կանգնել են ֆինանսական դժվարությունների առաջ և խնդրում են բոլոր բարեգութ մարդկանց երեխային շտապ բուժման համար դրամական աջակցություն ցուցաբերել:

Բացվել է հաշվեհամար ՎՏԲ–Հայաստան բանկում:

AMD – 16025073043101

USD – 16025080099402

EUR – 16025080099403

RUR – 16025080099404

Լուսանկարները և տեսանյութը՝ Լևոն Ամիրզյանի