Հալեպում բացվել է ՀՄԸՄ-ի 100-ամյակին նվիրված ցուցահանդես

Բերիո հայոց թեմի առաջնորդ Տ. Շահան Ս. Արք. Սարգսյանի հովանավորությամբ` Հայ մարմնակրթական ընդհանուր միության` ՀՄԸՄ-ի Սիրիայի շրջանային վարչության 100-ամյակի հանձնախումբը կազմակերպել է միության 100-ամյակին նվիրված արխիվային նյութերի ցուցահանդես:

Սիրիայի ՀՄԸՄ-ի ֆեյսբուքյան պաշտոնական էջից տեղեկանում ենք, որ ցուցահանդեսի բացումը տեղի է ունեցել կիրակի, որին ներկա են եղել Բերիո հայոց թեմի առաջնորդ Տ. Շահան արքեպիսկոպոս Սարգսյանը, Հայ ավետարանական եկեղեցու համայնքապետ Հարութ Սելիմյանը, ազգային միությունների և պատկան մարմինների ներկայացուցիչներ, հրավիրյալներ և ՀՄԸՄ-ականներ:

Ցուցահանդեսը բաց կլինի մինչև նոյեմբերի 4-ը: