Դեկտեմբերի ընտրություններն ո՞ւմ շահերից են բխում. Վահրամ Բաղդասարյան

Հասկանալի է, որ վարչապետի թեկնածուի առաջադրումը ձևական է, և ելույթն էլ ծրագրային չէր լինելու. խորհրդարանում լրագրողների հետ զրույցում հայտարարեց ՀՀԿ խմբակցության ղեկավար Վահրամ Բաղդասարյանը` անդրադառնալով, որպես վարչապետի թեկնածու, Նիկոլ Փաշինյանի ելույթին:

Դիտարկմանը` այդուհանդերձ, հայտարարություններ հնչեցին, մասնավորապես ասվեց, որ ՀՀԿ-ն ապագա խորհրդարանում հայտնվելու շանս չի ունենա, Բաղդասարյանն արձագանքեց. «Ընտրությունները կգան, կտեսնենք»:

Անդրադառնալով վարչապետի պաշտոնակատար Փաշինյանի հայտարարությանը, որ ՀՀԿ-ի շահերից են բխում ԸՕ բարեփոխումները, նա ասաց, որ միջազգային հեղինակության խնդիր կա: «Ընտրությունից մեկ ամիս առաջ չի կարելի Ընտրական օրենսգիրք փոխել»,- շեշտեց նա:

Հարցին` այդուհանդերձ, բխո՞ւմ է ՀՀԿ-ի շահերից, Բաղդասարյանը պատասխանեց. «Ես խնդրում եմ, մի' անձնավորեք` ում շահերից ինչն է բխում, դեկտեմբերի ընտրությունները բա ո՞ւմ շահերից են բխում»:

Հարցին էլ` կմասնակցե՞ն ընտրություններին, արձագանքեց. «Համբերեք, կիմանաք»: