«Ծառուկյան» դաշինքը չի քվեարկի Փաշինյանի օգտին. Նաիրա Զոհրաբյան

ԱԺ «Ծառուկյան» խմբակցության պատգամավոր Նաիրա Զոհրաբյանն այսօր խորհրդարանում լրագրողների հետ զրույցում հայտնեց, որ իրենք չեն մասնակցի վարչապետի քվեարկությանը: «Հավատարիմ կմնանք ներկայացված օրակարգին, ստորագրած հուշագրին»,- ասաց նա` անդրադառալով «Ելք»-ի կողմից Նիկոլ Փաշինյանին վարչապետի թեկնածու առաջադրելուն։

Պատգամավորը կարծիք հայտնեց, որ դա ձևական առաջադրում է։ «Ինչպես և մեր գործընկերները, մենք չենք քվեարկի և թույլ կտանք, որ այն քաղաքական օրակարգը, որը ներկայացված է, սպասարկվի, այսինքն՝ երկու անգամ վարչապետ չընտրվի, ու խորհրդարանը ինքնալուծարվի ու գնա արտահերթ խորհրդարանական ընտրությունների»,- ասաց նա: