Հայությանը տրված երկու նախարարություններից մեկը խլելու փորձեր են կատարվում. ՀՅԴ Լիբանանի ԿԿ ներկայացուցիչ

ՀՅԴ Լիբանանի Կենտրոնական կոմիտեի ներկայացուցիչ, պատգամավոր Հակոբ Բագրատունին, որը խորհրդարանի նախագահ Նաբեհ Բըրիի գլխավորած պատվիրակության մաս կազմելով, գտնվում է Ժնևում, անդրադարձել է շրջանառության մեջ դրված այն լուրերին, թե Լիբանանի կառավարության մեջ լիբանանահայությանը տրված երկու նախարարություններից մեկը խլելու փորձեր են կատարվում: Այդ մասին տեղեկացնում է Aztagdaily-ն:

«30 նախարար ունեցող կառավարության մեջ հայ համայնքը ներկայացվում է, ոչ ավելի, ոչ պակաս, երկու նախարարով, իսկ այս իրականությանը հակադրվող որևէ այլ իրականություն նշանակում է հայության իրավունքների թիրախավորում»,- ասել է Բագրատունին: