Արամ Ա-ն արձագանքել է Լիբանանի հայ համայնքին տրված նախարարություններից մեկը հետ վերցնելու փորձին

Տեղեկացրեցինք, որ ՀՅԴ Լիբանանի Կենտրոնական կոմիտեի ներկայացուցիչ, պատգամավոր Հակոբ Բագրատունին, որը խորհրդարանի նախագահ Նաբեհ Բըրիի գլխավորած պատվիրակության կազմում գտնվում է Ժնևում, անդրադարձել է շրջանառության մեջ դրված այն լուրերին, թե Լիբանանի կառավարության մեջ լիբանանահայությանը տրված երկու նախարարություններից մեկը խլելու փորձեր են կատարվում:

Թեմային արձագանքել է նաև Մեծի Տանն Կիլիկիո Արամ Ա կաթողիկոսը: Նա Լիբանանի նախագահ Միշել Աունին և վարչապետ Սաատ Հարիրիին հայտնել է, որ մերժում է ՀՅԴ Լիբանանի Կենրտոնական կոմիտեին ներկայացված այն առաջարկը, թե` հայ համայնքին տրված երկու նախարարություններից միայն մեկը թողնել, իսկ մյուսը` փոքրամասնություններին հատկացնել: