Փաշինյանը Պուտինի հետ հանդիպմանը կոնյակ է բերել. Лента.ру

ՀՀ պատվիրակությունը, վարչապետ Նիկոլ Փաշինյանի գլխավորությամբ, կոնյակ էր բերել ՌԴ նախագահ Վլադիմիր Պուտինի հետ հանդիպմանը: Այդ մասին գրում է Лента. ру-ն` անդրադառնալով Коммерсантъ-ի թղթակից Անդրեյ Կոլեսնիկովի հոդվածում տեղ գտած գրառմանը. նա պատմել է, որ քանի դեռ Նիկոլ Փաշինյանը ելույթ է ունեցել, պատվիրակության անդամներից մեկը արագ դուրս է եկել և վերադարձել` դեղին տուփը ձեռքին, որի վրա գրված էր հայկական կոնյակ:

Կայքը հիշեցնում է, որ Պուտինը կողմ է առողջ ապրելակերպին և հաճախակի հանդես է եկել ալկոհոլի օգտագործման դեմ: Օրինակ` 2017-ի հունիսին նա քննադատել էր «Արտեկ»-ի տնօրենին այն բանի համար, որ երեխաները այցելել են գինու գործարան: Պուտինը նաև, ինչպես հայտնել է  Пятый канал-ը,  հրաժարվել է  կոնյակից Տիվայում հանգստանալիս` ձկնորսության ժամանակ: