Պատերազմով ստուգվածները. Лента.ру-ն՝ ՀՀ-ի և ԼՂՀ-ի բանակների մասին

«Հայաստանում սեփական բանակի ստեղծումը սկսվեց  ԽՍՀՄ-ի գոյատևման վերջին տարիներին։ Հայ-ադրբեջանական հակամարտության ֆոնին սկսեցին ի հայտ գալ կամավորական ջոկատներ, որոնք զինվում էին  այնպիսի զենքով, որը նրանց հաջողվում էր հայտնաբերել ռազմական հաստատություններում և այլ նմանատիպ վայրերում: 1991-ին Հայաստանում և Ղարաբաղում ստեղծվում են պաշտպանության հանձնաժողովներ։ Ավելի ուշ ձևավորվում է պաշտպանության նախարարությունը, և սկսվում է զինված ուժերի պաշտոնական ստեղծումը»,- գրում է Лента.ру-ն՝ անդրադառնալով ՀՀ-ի և ԼՂՀ-ի բանակներին:

Կայքը գրում է, որ հայաստանցի և ղարաբաղցի զինվորների համար լուրջ փորձություն է դառնում պատերազմը Լեռնային Ղարաբաղում։ Նրանց հաջողվում է հաղթել, և  ԼՂՀ-ն դե ֆակտո պահպանում է իր անկախությունը։