Իսրայելում դատական գործ է հարուցվել անօդաչու արտադրող ընկերության դեմ, որն օգնել է Ադրբեջանին հարվածել հայկական զորքերին

Իսրայելի Գլխավոր դատախազությունը հայտարարել է, որ պատրաստվում է դատի տալ անօդաչուներ պատրաստող իսրայելական Aeronautics Defense Systems ընկերութանը Ադրբեջանում փորձարկումների ժամանակ հայկական զորեքրի դեմ անօդաչու կիրառելու համար. գրում է Еркрамас-ը:

 Այս մասին տեղեկացնում է The Times of Israel-ը՝ նշելով, որ դատարանում որպես մեղադրյալներ հանդես կգան ընկերության գլխավոր տնօրեն Ամոս Մաթանը, նրա տեղակալ Մեիր Ռիզմովիչը, զարգացման հարցով տնօրեն Հայիմ Հիվաշարը և մարքեթինգի հարցով տնօրեն Դեյվիդ Գոլդինը:

Հետաքննությունը սկսել է անցյալ տարվա սեպտեմբերին: Անցյալ տարվա օգոստոսին ընկերությունը զրկվել է «կարևոր հաճախորդին» Orbiter 1K անօդաչուի մատակարարման արտոնագրից: Նշվում է, որ, հավանաբար, խոսքը Ադրբեջանի մասին է:Պարբերականը նաև հիշեցնում է, որ 2016-ին Ադրբեջանը կիրառել է իսրայելական արտադրության «Նագոր» անօդաչու սարքը հայկական ավտոբուսի վրա հարձակման ժամանակ: