Իրենց հարցրեք` ինչու են իրար միացել. Փոստանջյանը` ՀՀԿ-ի և «Ելք»-ի մասին

Այսօր Երևանի ավագանին պետք է ընտրեր քաղաքապետ: Արդեն տեղեկաեցրել ենք, որ Երևանի ավագանու «Ելք» և ՀՀԿ խմբակցությունները հայտարարել էին, որ չեն մասնակցելու ընտրությանը:  Այսօր նիստին մասնակցում էր միայն Երևանի ավագանու 5 անդամ, քանի որ քվորում չկար, հայտարարվեց ընդմիջում:

Երևանի ավագանու «Երկիր ծիրանի» խմբակցության ղեկավար Զարուհի Փոստանջյանը լրագրողների հետ զրույցում նշեց, որ հետ չի կանգնել իր թեկնածությունը առաջադրելու մտքից: Նրա խոսքով` ամեն ինչ պետք է որոշեն Երևանի քաղաքացիները:

Հարցին` ինչպե՞ս կգնահատի «Ելք»-ի ու ՀՀԿ-ի` նիստին չներկայանելու և թեկնածու չառաջադրելու քայլը, Փոստանջյանը պատասխանեց. «Գնացեք, իրենց հարցրեք, թե ինչու են իրար միացել»:

Նա հավելեց, որ քաղաքացիների գնահատականից է կախված, թե ով կլինի Երևանի քաղաքապետը:

Նշենք, որ ընդմիջումից հետո քվորում լինելու դեպքում կրկին քաղաքապետ ընտրելու փորձ կարվի: