Մինչև հուլիսի վերջը «Նորֆոլկ»-ն ամբողջությամբ կլուծարվի

«Նորֆոլկ» ընկերությունը լուծարման գործընթացում է. լրագրողներին հայտնեց ՀՀ ԿԱ ՊԵԿ նախագահ Դավիթ Անանյանը։

Նա նշեց, որ լուծարային ստուգումն այս պահին ընթացքի մեջ է, իսկ հաջորդ շաբաթ կավարտեն լուծարային ստուգման ակտը: Մինչև հուլիս ամսվա վերջը, ըստ ՊԵԿ նախագահի, «Նորֆոլկ»-ը ամբողջությամբ լուծարված կլինի։

«Կառավարությունում առաջարկություն ունենք, ըստ որի՝ «Նորֆոլկ»-ին կփոխարինի պետական մասնակցությամբ բաժնետիրական ընկերություն: Նոր ընկերությունը ոչ թե ամբողջությամբ կկրկնի այն գործունեությունը, ինչ «Նորֆոլկն» է իրականացրել, այլ պետք է հանդիսանա ուղղակի մաքսային միջնորդային ծառայություններ իրականացնող»,- ասաց Անանյանը: