ԱԱ-2018. Կրոսը վերջին վայրկյաններին հաղթանակ պարգևեց Գերմանիայի հավաքականին

Ռուսաստանում ընթացող ֆուտբոլի աշխարհի առաջնության խաղային հերթական օրվա մեկնարկը տրվեց Մոսկվայում, որտեղ Բելգիայի հավաքականը 5:2 հաշվով հաղթեց Թունիսի հավաքականին:

Բելգիացիների կազմում դուբլի հեղինակ դարձան Էդեն Ազարն ու Ռոմելու Լուկակուն, մեկ անգամ էլ աչքի ընկավ Բատշուային:

Մեքսիկայի հավաքականը Ռոստովում 2:1 հաշվով հաղթեց Հարավային Կորեայի հավաքականին:

Խաղային օրվա վերջին հանդիպումը տեղի ունեցավ Սոչիում, որտեղ աշխարհի գործող չեմպիոն Գերմանիայի հավաքականը մրցեց Շվեդիայի ընտրանու հետ: Գերմանացիները կամային հաղթանակ տոնեցին 2:1 հաշվով: Հանդիպման 95-րդ րոպեին Տոնի Կրոսը  տուգանայինից կատարած հարվածով դարձավ ֆանտասիկ գոլի հեղինակ: