Մեծ պատիվ կլիներ, որ ինձ փոխարիներ Արշավիր Ղարամյանը. Արայիկ Հարությունյան

Ինձ համար մեծ պատիվ կլինի, որ ինձ փոխարիներ Արշավիր Ղարամյանը, սակայն որոշումն այլ է լինելու: Այս մասին Ստեփանակերտում ընթացող մամլո ասուլիսի ժամանակ ասաց Արցախի` արդեն նախկին պետական նախարար Արայիկ Հարությունյանը՝ անդրադառնալով շրջանառվող լուրերին, թե իր պաշտոնում նշանակվելու է ԱԱԾ տնօրեն Արշավիր Ղարամյանը:

Նա նշեց, որ Ղարամյանն իր կյանքում հանդիպած եզակի մարդկանցից է, ով ատուկ հարգանքի է արժանի: «Գնահատում եմ նրա գիտելիքը, ճանաչում եմ նրան վաղուց, շատ մեծ հարգանք ունի նրա անցած ճանապարհը՝ սկսած ուսանողականից, պատերազմականից, նաև մեծ փորձ ունի տնտեսության կառավարման գործում»,- ասաց Հարությունյանը:

Նա միաժամանակ հայտարարեց, որ պետնախարարի պաշտոնում նշանակումն ուրիշ է լինելու:

Հիշեցնենք, որ այսօր հրաժարականի դիմումներ են ներկայացրել ԱԱԾ տնօրեն Արշավիր Ղարամյանը և Արցախի ոստիկանապետ Կամո Աղաջանյանը: