Ինձ համար մեծ պատիվ է խաղալ այսպիսի թիմում. Յուրա Մովսիսյան

Արդեն հայտնել ենք, որ  Հայաստանի ազգային հավաքականի հարձակվող Յուրա Մովսիսյանն այսօր երկարաձգել է պայմանագիրը Մոսկվայի «Սպարտակ»-ի հետ: Ակումբի պաշտոնական կայքի հետ զրույցում 27-ամյա հարձակվողն ասել է.

«Այսօր ինձ համար շատ կարևոր օր է: Երբ տեղափոխվեցի «Սպարտակ», գիտեի, որ այն Ռուսաստանի լավագույն թիմն է, և գնալով համոզվում էի դրանում: Այդ պատճառով իմ մոտ ապագան ցանկանում եմ կապել այս թիմի հետ:  Հասկանալի է, որ շատ խոսակցություններ են եղել հնարավոր տեղափոխությունների մասին, բայց դրանք չեն համապատասխանում իրականությանը:  Մամուլում միշտ հանդիպում են տարբեր ենթադրություններ, բայց ես շարունակելու եմ իմ ելույթներն այս թիմում, որն ունի հիանալի երկրպագուներ: Հիմա թիմի համար լավ ժամանակներ չեն,   բայց   ամեն ինչ կկարգավորվի: Ինձ համար մեծ պատիվ է խաղալ այսպիսի թիմում և այսպիսի երկրպագուների համար: Ուզում եմ նրանց շնորհակալություն հայտնել   ջերմ աջակցության համար»,- ասել է Մովսիսյանը: