Թուրքիայի մեջլիսը մերժել է Հայոց ցեղասպանության մասին բանաձևը

Թուրքիայի մեջլիսը մերժել է քրդամետ Ժողովուրդների դեմոկրատական կուսակցության հայ պատգամավոր Կարո Փայլանի՝ Հայոց ցեղասպանության մասին բանաձևը:

Ըստ DHA-ի՝ նախագծի մերժման մասին Փայլանին գրավոր տեղեկացրել է մեջլիսի նախագահ Իսմայիլ Քահրամանը։ Բանաձևի մերժումը պատճառաբանել են նրանով, որ նախագիծը պարունակում է «կոպիտ և վիրավորական խոսք»:

Ըստ Քահրամանի՝ օրենքի նախագծի անվանման մեջ և տեքստում առկա են մեղադրանքներ Թուրքիայի Հանրապետության, թուրք ազգի պատմության և ազգի նկատմամբ, մասնավորապես,  որ թուրք ազգը մեղադրվում է ցեղասպանություն գործելու մեջ: 

Ազգային ժողովի նախագահը հավելել է, որ նախագիծը վերադարձվում է պատգամավորին` անհրաժեշտ ուղղումներ կատարելու համար: