Հայաստանում ՌԴ դեսպանության դիրքորոշումները չեն բխում առանձին ռուս քաղաքացիների մասնավոր կարծիքներից

Այսօր Հայաստանում Ռուսաստանի դեսպանությունը հայտարարություն է տարածել, կապված մայիսի 5-ին առանձին ռուս քաղաքացիների հայտարարությունների հետ, որոնք վերաբերում են Հայաստանում առկա ներքաղաքական վիճակին:

«Հիշեցնում ենք, որ վերջին շաբաթներին Հայաստանում տեղի ունեցող իրադարձությունները հանդիսանում են բացառապես Հայաստանի ու իր քաղաքացիների ներքին գործը: Երևանում ՌԴ դեսպանության գործունեությունը բխում է Հայաստանոի ու Ռուսաստանի միջև բարեկամական հարաբերությունների բնույթից: Հայաստանում ՌԴ դեսպանության դիրքորոշումները բխում են ոչ թե առանձին անձանց մասնավոր կարծիքներից, այլ` ՌԴ նախագահի մամուլի քարտուղար Դ.Պեսկովի, ՌԴ ԱԳՆ պաշտոնական ներկայացուցիչ Մարիա Զախարովայի կողմից հնչեցված հայտարարություններից»,- ասված է հայտարարության մեջ: