Բացարձակապես կարևոր չէ, թե ով կլինի վարչապետ․ Փաշինյան

Այսօր Հանրապետության հրապարակում մեկնարկած հանրահավաքում Նիկոլ Փաշինյանը ելույթ ունենալով, բոլորին տեղեկացրեց, որ վարչապետի առաջադրված միակ թեկնածուն ինքն է, և որ ԱԺ չորս խմբակցություններից երեքը պաշտպանելու են իր թեկնածությունը, իսկ ՀՀԿ-ն հայտարարել է, թե չի խոչընդոտելու այդ ընտրությանը: «Այնպես որ շատ մեծ է հավանականությունը, որ ձեր կողմից առաջադրված թեկնածուն կընտրվի ՀՀ վարչապետ: Բայց ես այսօր հասկացա, որ բացարձակապես կարևոր չէ , թե ինչ տեղի կունենա վաղը` ԱԺ-ում: Կարևորն այն է, որ ՀՀ քաղաքացին, հայ ժողովուրդը հաղթել է, և այդ հաղթանակը անշրջելի է»,- ասաց Փաշինյանը`  կրկնելով, որ բացարձականապես կարեւոր չէ, թե ով կլինի վարչապետ: