Բանակցությունները կլինեն կառավարության և ԱԳՆ-ի գծով. Պեսկովը կրկին անդրադարձել է հայաստանյան իրադարձություններին

Կրեմլում  հույս ունեն, որ իրավիճակը Հայաստանում կկարգավորվի սահմանադրական ճանապարհով: Այդ մասին ասել է ՌԴ նախագահի մամուլի քարտուղար Դմիտրի Պեսկովը. հայտնում է ТАСС-ը: Նա դարձյալ նշել է, որ դա Հայաստանի ներքին գործն է:

Ինչ վերաբերում է բանակցություններին, որոնք  մտադիր է  ՌԴ-ում անցկացնել ՀՀ ԱԳՆ ղեկավար Էդվարդ Նալբանդյանը, Պեսկովը նշել է, որ այդ բանակցությունները կլինեն կառավարության և ԱԳՆ-ի գծով: Նա հույս ունի, որ համապատասխան կառույցները տեղեկատվությունը կտրամադրեն ԶԼՄ-ներին:

Պեսկովը նաև պատմել է, որ տեղյակ չէ`  նախատեսվա՞ծ են բանակցություններ Կրեմլում, նշել, որ ներկայումս ինքը և ՌԴ նախագահը Սանկտ Պետերբուրգում են:

Ըստ նրա` ՀՀ-ին և ՌԴ-ին միավորում են լայն կապեր, «ուստի այդ հարաբերությունների իրականացումը  պահանջում է հաճախակի փոխադարձ այցեր և շփումներ, մանավանդ` այդպիսի բարդ պահերին»: