Մեր գործընթացը փողոցում դեռ չի ավարտվել. Փաշինյան

Այսօր արտասահմանյան լրատվամիջոցների հետ ասուլի ժամանակ,«Քաղաքացիական պայմանագիր» կուսակցության ղեկավար Նիկոլ Փաշինյանին  ռուսական լրատվամիջոցներից մեկը յուրատեսակ հարց տվեց: Պատրաստվու՞մ է արդյոք Նիկոլ  Փաշինյանը վարչապետ դառնալուց հետո պիջակ ու փողկապ կրել ու սափրել մորուքը: Փաշինյանը նշեց, որ երբ սկսեց իր քայլարշավը Գյումրիից, պիջակով դժվար կլիներ դա անել, ժամեր շարունակ լինելով արև ու անձրևի տակ:

«Այնպես չէ, որ ես միշտ այսպիսին եմ եղել: Ես համարում եմ, որ մեր գործընթացը փողոցում դեռ չի ավարտվել, խոսքը ադեկվատ հագնվելու մասին է»,- ասաց Փաշինյանը:

Հարցին, թե ի՞նչ է մտադիր անել, եթե ՀՀԿ-ն հրաժարվի իրականացնել իր պահանջները:Փաշինյանը նշեց.

«Եթե մենք կարողացանք հասնել Սերժ Սարգսյանի հրաժարականին, ուրեմն կարող ենք հասնել, որ ՀՀԿ-ն հնազանդվի ժողովրդի կամքին, այլապես կշարունակենք գործողությունները, ակցիաները, նույնիսկ ավելի մեծ ծավալով, կարծում եմ` վաղվանից մենք կտեսնենք այդ գործընթացը»: