«Մոդերն Թոքինգը»՝ Երևանում. նոր ու սիրված երգեր՝ երևանյան համերգում

You're My Heart, You're My Soul, Cheri Cheri Lady, Brother Louie, No Face, No Name, No Number և «Մոդերն Թոքինգ» բենդի այլ հիթեր 80-կաններից հայտնի են, սիրված և չհնացող: Չնայած տարիների վաղեմությանը` դրանք չեն կորցրել իրենց արդիականությունը նաև ներկայումս:  Այդ մասին էլ փաստում են Թոմաս Անդերսի և «Մոդերն Թոքինգ» բենդի  համաշխարհային շրջագայությունները: Երևանը ներառվել է այն քաղաքների շարքում, որը հյուրընկալելու  է համաշխարհային մեծ հռչակ վայելող խմբին:

Այսպիսով`  մարտի 27-ին Կ. Դեմիրճյանի անվան մարզահամերգային համալիրում տեղի է  ունենալու Թոմաս Անդերսի և «Մոդերն Թոքինգ» բենդի կենդանի համերգը, որը մեծ իրադարձություն է լինելու ոչ միայն երգերի, այլև շոու առումով, սպասվում են լուսային էֆեկտներ և հնչողության բարձր որակ:

Հարկ է նշել, որ Թոմաս Անդերսն արդեն հանդես է եկել տեսաուղերձով, որում դիմում է իր երկրպագուներին` ասելով, որ գալիս է Երևան: Նշենք, որ նման  հայտնիություն ունեցող  համաշխարհային հյուրերի համերգը Երևանում իր տեսակի մեջ խթան է զբոսաշրջության զարգացման համար, քանի որ տվյալ համերգի նկատմամբ մեծ հետաքրքրություն կա հարևան երկրների կողմից: Այդ օրերին մայրաքաղաք կայցելեն մեծ թվով զբոսաշրջիկներ:

Հավելենք, որ «Մոդերն Թոքինգ» բենդի երևանյան համերգին կհաջորդեն համերգներ Գերմանիայում, Պորտուգալիայում, Չեխիայում և այլն։