Վաղվանից որոշ խմբի դեղեր բաց կթողնվեն դեղատոմսով

Հայաստանի Հանրապետությունում գրանցված որպես դեղատոմսով դուրս գրվող դեղերի մի մասը մարտի 1-ից մեր երկրում բաց կթողնվի միայն դեղատոմսով։ Դրանք են` հակավարակային միջոցները, այդ թվում` հակաբիոտիկները, հորմոնալ և հսկվող նյութեր պարունակող դեղերը։

Դեղերի բաց թողնման այս կարգը բխում է «Դեղերի մասին» ՀՀ օրենքից։ Նման փոփոխությունը միտված է բժշկական օգնության որակի բարձրացմանը։ Ցանկացած դեղ բացի ցուցումներից ունի նաև հակացուցումներ, և յուրաքանչյուր հիվանդի մոտ կարող են լինել վիճակներ, որոնց դեպքում հակացուցված է այս կամ այն դեղի օգտագործումը։ Հետևաբար, բուժման արդյունավետությունը բարձրացնելու համար դեղը պետք է նշանակի բժիշկը։

Սահմանվել է դեղատոմսի 4 նոր ձևաթուղթ՝ թմրամիջոցների, հոգեմետ նյութերի, մեկանգամյա և բազմակի անգամ տրամադրվող դեղերի համար: Մեկ դեղատոմսով թույլատրվում է դուրս գրել մինչև երկու անվանում դեղ, բացառությամբ՝ թմրամիջոցներ և հոգեմետ նյութեր պարունակող դեղերի: Թմրանյութեր ու հոգեմետ նյութեր պարունակող դեղերի դեղատոմսերն ուժի մեջ են 10 օր, իսկ մնացած դեղերի և բազմակի օգտագործման դեղատոմսերը` 6 ամիս:

Նշենք, որ Հայաստանի Հանրապետությունում գրանցված առանց դեղատոմսի բաց թողնվող դեղերը մշտապես կարելի է ձեռք բերել առանց դեղատոմսի։

Ներկայացնում ենք առանց դեղատոմսի տրվող դեղերը` ըստ դեղաբանական խմբերի։

ՑԱՎԱԶՐԿՈՂ,  ՀԱԿԱԲՈՐԲՈՔԱՅԻՆ, ՋԵՐՄԻՋԵՑՆՈՂ ԴԵՂԵՐ

պարացետամոլ՝ պանադոլ, ցետամոլ, ցեֆեկոն, էֆերալգան,  

անալգին,

ացետիլսալիցիլաթթու՝ ասպիրին,ուպսարին, 

իբուպրոֆեն՝ բրուֆեն, նուրոֆեն, միգ,

դեքսկետոպրոֆեն՝ դեքսալգին,

բուտադիոն ինդոմետացին,

դիկլոֆենակ քսուք՝ վոլտարեն, վուրդոն, նակլոֆեն, 

համակցություններ՝ ասկոֆեն, ցիտրամոն, նևրալգին,  տեմպալգին

 ՄՐՍԱԾՈՒԹՅԱՆ, ԳՐԻՊԻ,  ՀԱՐԲՈՒԽԻ  ԴԵՄ ԴԵՂԵՐ

գրիպոստադ, անտիֆլու, ֆերվեքս, քոլդրեքս, անտիգրիպին, անտիքոլդ, թերաֆլյու

 ՍՏԱՄՈՔՍԻ  ԹԹՎԱՅՆՈՒԹՅՈՒՆԸ  ԻՋԵՑՆՈՂ ԴԵՂԵՐ (թթվայնության բարձրացման հետ կապված դիիպեպսիկ երևույթներ, այրոց)

ալյումինիումի պրեպարատներ՝ ալմագել, ֆոսֆալյուգել,մաալոքս

կարբոնատներ՝ ռեննի, գևիսկոն

 ԴԻԱՐԵԱՅԻ ԴԵՄ (ՓՈՐԼՈՒԾՈՒԹՅՈՒՆ) ԴԵՂԵՐ

լոպերամիդ՝ իմոդիում,  ռեհիդրոն, սմեկտա, ակտիվացված ածուխ, բիֆիդումբակտերիաներ, լակտոբակտերիաներ՝ լինեքս, էնտերոլ,

 ՍՊԱԶՄՈԼԻՏԻԿՆԵՐ

պապավերին,

դրոտավերին՝ նոշպա, սպազմոլ,

սպազմալգոն, սպազմոբլոկ

 ԼԵՂԱՄՈՒՂ, ԼՅԱՐԴԱՊԱՇՏՊԱՆ

ալոխոլ,  կարսիլ, լեգալոն, էսսենցիալե

 ՓՈՐԿԱՊՈՒԹՅԱՆ ԴԵՂԵՐ

սենադե, սենադեքսին, ռեգուլաքս, գուտտալաքս. գլիցերին մոմեր,

ՖԵՐՄԵՆՏՆԵՐ

պանկրեատին, կրեոն, մեզիմ

 ՎԻՏԱՄԻՆՆԵՐ

վիտամիններ Ա, Ե , Ց,

պոլիվիտամիններ և հանքանյութեր՝ աեվիտ, կալցիում Դ3, վիտրում, պիկովիտ, մուլտի տաբս

 ԱՐՅԱՆ ՄԱԿԱՐԴԵԼԻՈՒԹՅԱՆ ՎՐԱ ԱԶԴՈՂ ԴԵՂԵՐ

ասպիրին կարդիո, կարդիոմագնիլ, տորմբո Աս

հեպարին պարունակող արտաքին օգտագործման քսուքներ՝լիոտոն, հեպաթրոմբին

 ՀԱՆԳՍՏԱՑՆՈՂ ԴԵՂԵՐ

կորվալոլ, վալոկարդին, վալիդոլ, կատվախոտի հանուկ, ալոճի ոգեթուրմ,

 ՀԱԿԱԱԼԵՐԳԻԿ ԴԵՂԵՐ

Տավեգիլ, Սուպրաստին, Ալերգոզան, Ֆենիսիտիլ,

 ԹՈՒԹՔ Ի ԴԵՄ ԴԵՂԵՐ(ՀԵՄՈՐՈՅ)

Անեսթեզոլ, ռելիֆ, ուլտրապրոկտ

 ԱՐՏԱՔԻՆ ՕԳՏԱԳՈՐԾՄԱՆ ՀԱԿԱՍՆԿԱՅԻՆ ԴԵՂԵՐ

կլոտրիմազոլ քսուք՝նիզորալ,  միկոնազոլ քսուք, տերբինաֆին քսուք՝լամիզիլ, միկոսեպտին, էքսոդերիլ,

ՄԱՇԿԱՅԻՆ ԱԽՏԱՀԱՐՈՒՄՆԵՐԻ ԴԵՄ ԴԵՂԵՐ

սինթոմիցին քսուք, ստրեպտոցիդի քսուք, լեվոմեկոլ, դերմազին, արգոսուլֆան, հիդրոկորտիզոն քսուք, մեթիլուրացիլ քսուք

 ՄԱՇԿԻ ՌԵԳԵՆԵՐԱՑԻԱՆ ԼԱՎԱՑՆՈՂ ԴԵՂԵՐ

բեպանտեն, պանտենոլ

 ՀԱԿԱՎԻՐՈՒՍԱՅԻՆ ԴԵՂԵՐ

ռեմանտադին, օքսոլին քսուք, ացիկլովիր քսուք՝ հերպեվիր, զովիրաքս,

ԱԽՏԱՀԱՆԻՉ ՄԻՋՈՑՆԵՐ

ՀՈՄԵՈՊԱԹԱՅԻՆ ԴԵՂԵՐ

ԲՈՒՍԱԿԱՆ ԾԱԳՄԱՆ ԴԵՂԵՐ»։

Դեղատոմսով բաց թողնվող դեղերի ցանկից նշենք մի քանիսը.

Հակավարակային դեղեր

Լևոմիցետին (հաբեր)

Լևոմիցետինը (քլորամֆենիկոլ) լայն սպեկտորի մանրէաստատիկ հակաբիոտիկ է։ Այն ցուցված է ինֆեկցիոն և բորբոքային հիվանդությունների դեպքում` որովայնային տիֆ, պարատիֆ, իերսինիոզ, բրուցելոզ, շիգելոզ, սալմոնելոզ, տուլյարեմիա, խլամիդիոզ, թարախային պարիտոնիտ, լեղուղիների ինֆեկցիա և այլն։

Էրիթրոմիցին (հաբեր)

Էրիթրոմիցինը մանրէաստատիկ հակաբիոտիկ է, այն ցուցված է դիֆտերիայի, կապույտ հազի, տրախոմայի, բորցելոզի, քութեշի, գոնորեայի և այլ հիվանդությունների դեպքում։

Ամոքսիցիլին (դեղապատիճներ)

Ամոքսիցիլինը լայն սպեկտորի կիսասինթետիկ պենիցիլինների շարքին դասվող հակաբիոտիկ է։ Ունի մանրէասպան ազդեցություն։

Ֆլուկոնազոլ (հաբեր)

Ֆլուկոնազոլը դասվում է այսպես կոչված «հակասնկային դեղորայքի» շարքին։ Այն կիրառվում է սնկերից առաջացած ինֆեկցիաների բուժման ժամանակ, ինչպես նաև կարող է կիրառվել կանդիդոզային ինֆեկցիաների կանխարգելման ժամանակ։

Ֆուրադոնին (հաբեր)

Ֆուրադոնինը ցուցված է միզուղիների ոչ բարդ ինֆեկցիաների դեպքում (սուր ցիստիտ, բակտերիուրիա, ուրետրիտ և այլն) և ուռոլոգիական վիրահատությունների ու հետազոտությունների դեպքում հիվանդությունների կանխարգելման ժամանակ։

Դիֆլուկան (դեղապատիճներ)

Դիֆլուկանը հակասնկային դեղամիջոց է։

Բիսեպտոլ (հաբեր)

Բիսեպտոլը կոմբինացված հակաբակտերիալ դեղամիջոց է` մանրէասպան ազդեցությամբ։ Այն ցուցված է ինֆեկցիոն և բորբոքային հիվանդությունների դեպքում։

Տետրացիկլին (հաբեր)

Տետրացիկլինը ցուցված է ինֆեկցիոն և բորբոքային հիվանդությունների դեպքում` թոքաբորբ, բրոնխիտ, անգինա, խոլեցիստիտ, պիելոնեֆրիտ, աղիքային ինֆեկցիաներ, էնդոկարդիտ, էնդոմետրիտ, պրոստատիտ, սիֆիլիս, գոնորեա , բրուցելոզ, փափուկ հյուսվածքների թարախային ինֆեկցիաներ և այլն։

Ամպիցիլին (ներարկման համար նախատեսված փոշի)

Ամպիցիլինը լայն սպեկտորի հակաբիոտիկ է։ Կիրառվում է ինֆեկցիոն և բորբոքային հիվանդությունների դեպքում։

Ֆլյուկոստատ (դեղապատիճներ)

Ֆլյուկոստատը հակասնկային դեղորայք է։

Աուգմենտին (հաբեր)

Աուգմենտինը կոմբինացված հակաբիոտիկ է, որը պարունակում է ամոքսիցիլին և կլավուլանային թթու։

Ազիմակ (դեղապատիճներ)

Ազիմակը լայն սպեկտորի հակաբիոտիկ է։ Ցուցված է անգինայի, սինուսիտի, օտիտի, բակտերիալ բրոնխիտի դեպքում։ 

Հոգեմետ նյութեր պարունակող դեղեր

Պենտալգին

Պենտալգինի բաղադրության մեջ առկա է պարացետամոլ և պրոպիֆենազոն, պենտալգինն ունի ցավազրկող և ջերմիջոցնող ազդեցություն։ Պենտալգինում առկա է նաև կոֆեին, որը հոգեխթանիչ է։ Պենտալգինում առկա կոդեինն ունի ցավազրկող ազդեցություն։

Սոլպադեին (լուծվող հաբեր)

Սոլպադեինը կոմբինացված դեղորայք է, որն ունի ցավազրկող, ջերմիջեցնող և հակահազային ազդեցություն։

Վալիում (հաբեր)

Վալիումը տրանկվիլիզատոր է, ունի հանգստացնող, հակաջղաձգային և քնաբեր ազդեցություն։

Կաֆետին

Պրոպիֆենազոն և պարացետամոլ պարունակող կաֆետինն ունի ցավազրկող, ջերմիջեցնող և հակաբորբոքային ազդեցություն։

Հորմոնալ դեղամիջոցներ

Դեքսամեթազոն (լուծույթ)

Դեքսամեթազոնն ունի հակաբորբոքային, հակաալերգիկ, իմունոդեպրեսիվ ազդեցություն։

Յոդոմարին 200 (հաբեր)

Յոդոմարին 200–ը լրացնում է յոդի դեֆիցիտն օրգանիզմում` խոչընդոտելով յոդի դեֆիցիտից առաջացող հիվանդությունների զարգացումն ու նպաստելով վահանաձև գեղձի ֆունկցիայի կարգավորմանը։ 

Լ–Թիրօքսին (հաբեր)

Լ–Թիրօքսինի բաղադրության մեջ մտնող լևոթիրօքսինն իր ազդեցությամբ նման է մարդու էնդոգեն թիրեոիդ հորմոնին։

Օքսիտոցին (հաբեր)

Օքսիտոցին հորմոնը նպաստում է ծննդաբերության ընթացքում արգանդի կրճատմանը և կաթի արտադրմանը։ Արհեստականորեն սինթեզված օքսիտոցինը, որը ներմուծվում է օրգանիզմ ներերակային կամ ներմկանային եղանակով, կիրառվում է ծննդաբերությունը դրդելու կամ խթանելու նպատակով, ուժգնացնելով կծկանքը։