Քաղաքապետարանի մաքրուհին կոյուղաջուրը լցրել է «Երկիր ծիրանի»-ի սենյակը. Զարուհի Փոստանջյան

Տեղեկացրել էինք, որ այսօր Երևանի ավագանու նիստը բավական լարված և թեժ մթնոլորտում է ընթանում: Այն բանից հետո, երբ «Երկիր ծիրանի»-ն ապակե տարաներով կոյուղաջուրը ներկայացրեց ավագանու նիստին, սկսվեց ծեծկռտուք:

«Երկիր ծիրանի»-ի ղեկավար Զարուհի Փոստանջյանը նշեց, որ իրենց բացակայության ժամանակ քաղաքապետարանի մաքրուհիներից մեկը մտել է խմբակցության սենյակն ու կոյուղաջուր լցրել այնտեղ, փաստն արձանագրել են սենյակում գտնվողները: Փոստանջյանի խոսքով՝ այս ամենն ուղղորդված է եղել: «Մենք քայլեր ենք ձեռնարկելու, այսպես չի մնալու այս ամենը»,- ասաց նա:

Նշենք, որ «Երկիր ծիրանի»-ն ավագանու նիստի ժամանակ լքեց նիստերի դահլիճը՝ նիստը համարելով «ավարտված»: