Էրդողանի խորհրդականն ուղիղ եթերում սպառնացել է կոտրել հույն պաշտոնյաների ձեռքերն ու ոտքերը. տեսանյութ

Թուրքիայի նախագահ Ռեջեփ Թայիփ Էրդողանի գլխավոր խորհրդականներից Յիղիթ Բուլութը սպառնացել է կոտրել Հունաստանի բարձրաստիճան պաշտոնյաների ոտքերն ու ձեռքերը, եթե նրանք համարձակվեն այցելել Էգեյան ծովի Իմիա կղզի, որը վիճելի տարածք է համարվում Հունաստանի և Թուրքիայի միջև:

Ըստ Donanimhaber-ի՝ նա ուղիղ եթերում հայտարարել է, որ կկոտրի պաշտոնյաների ոտքերն ու ձեռքերը՝ լինի սպա, վարչապետ, թե՝ նախարար: «Իրենց մաշկի վրա կզգան մեր զայրույթն ավելի ուժեղ ձևով, քան հիմա` Աֆրինում», - հայտարարել է Բուլութը:

Հունաստանի արտգործնախարարությունն արդեն արձագանքել է այս խոսքերին ու նշել, որ նման հայտարարությունները չեն նպաստում երկու երկրների միջև եղած հարաբերությունների լավացմանն ու զարգացմանը: