Ռազմական բալանսը պահպանելու խնդիր ունենք. Շավարշ Քոչարյան

ՀՀ արտաքին գործերի նախարարի տեղակալ Շավարշ Քոչարյանը կառվարության նիստից հետո լրագրողների հետ զրույցում անդրադարձավ այս գիշեր Ադրբեջանի կողմից դիվերսիայի փորձին։ Ըստ նրա` նորություն չէ, որ հանդիպումներից առաջ, ընթացքում կամ հետո, որպես կանոն, Ադրբեջանը ակտիվացնում է իր գործողությունները:

«Այստեղ կարելի է մի ենթադրություն անել, որ վերջին հանդիպումը արտգործնախարարների հետ, որտեղ Ադրբեջանը ստիպված գնաց որոշակի քայլերի ուղղված Կասպշիկի խմբի ընդլայնման հետ իրեն ձեռնտու չէր և այդպես է արտահայտում իր դժգոհությունը, բայց մյուս կողմից պարտադրված գնում է այն քայլերի, որոնք նախանշված են դեռևս Վիեննայի պայմանավորվածությամբ»,-ասաց նա:

Ինչ վերաբերում է Ադրբեջանի նախագահ Ալիևի հայտարարությանը, թե Ադրբեջանը որևէ սահմանափակում չունի Ռուսաստանից զենք գնելու հարցում, և հարցին, թե ո՞րը կլինի հայկական կողմի պատասխանն այդ ասվածին, Շավարշ Քոչարյանը պատասխանեց. «Հայաստանն ամեն ինչ անում է, որ պահպանի ռազմական բալանսը` նաև օգտվելով մեր դաշնակցային հնարավորություններից: Հայաստանը Ռուսաստանից շատ ավելի մատչելի գներով է ստանում սպառազինություն: Մենք  Ադրբեջանի ամեն ասածին պատասխանելու խնդիր չունենք, մենք ռազմական բալանսը պահպանելու խնդիր ունենք»: