Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 6 տարի առաջ - 2017-12-20 23:23
Տնտեսական

IP հասցեներ և բարձր մակարդակի դոմենային անուններ տրամադրող ընկերության հետ ստորագրվել է փոխըմբռնման հուշագիր

IP հասցեներ և բարձր մակարդակի դոմենային անուններ տրամադրող ընկերության հետ ստորագրվել է փոխըմբռնման հուշագիր

Շվեյցարիայում անցկացվող Միավորված ազգերի կազմակերպության (ՄԱԿ) ինտերնետային կառավարման համաժողովի տասներկուերորդ ամենամյա հանդիպման շրջանակներում ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը և «ICANN» (Գրանցված անվանումների և համարների ինտերնետ կորպորացիա) նախագահ Յորան Մարբին ստորագրել են փոխըմբռնման հուշագիր։ 

 
Կողմերը համաձայնեցին շարունակել համագործակցությունը դոմեն անվանումների զարգացման ոլորտում, աջակցել միջազգային դոմենների օգտագործմանը և խթանել ինտերնետ կառավարման բազմաշահառու մոդելը:
 
Հուշագրի նպատակն է ամրապնդել հարաբերությունները ՀՀ տրանսպորտի, կապի և ՏՏ նախարարության և «ICANN»-ի միջև, խթանել ինտերնետ դոմենի էկոհամակարգի զարգացումը և դոմենների օգտագործումը Հայաստանում, բարձրացնել «ICANN»-ի առաքելության մասին իրազեկվածության մակարդակը և հայկական շահագրգիռ կողմերի ներգրավվածությունը «ICANN»-ի գործունեությունում։
 
«ICANN»-ը միջազգային կորպորացիա է, որը տրամադրում է IP հասցեներ և բարձր մակարդակի դոմենային անուններ երկրներին և տարածքներին։
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը