ՄԻԵԴ-ն Ադրբեջանին պարտավորեցրել է 35.000 եվրո փոխհատուցում վճարել Շահումյանից արտաքսված հայ ընտանիքին

Մարդու իրավունքների եվրոպական դատարանի մեծ պալատը հրապարակել է որոշում «Սարգսյանն ընդդեմ Ադրբեջանի» գործով արդար փոխհատուցում տրամադրելու վերաբերյալ:

Hudoc.echr.coe-ն տեղեկացնում է, որ 2006 թվականին Արցախյան հակամարտության ժամանակ տեղահանված, Արցախի՝ այժմ Ադրբեջանի կողմից օկուպացված Շահումյանի շրջանի Գյուլիստան գյուղի նախկին բնակիչ Մինաս Սարգսյանի կողմից ներկայացված հայցի հիման վրա Ադրբեջանը պարտավորեցվում է վճարել 35.000 եվրո՝ նյութական և ոչ նյութական վնասի, ինչպես նաև դատական ծախսերի համար:

2009 թվականին կյանքից հեռացած հայցվորը նշել էր, որ իր տունը քանդել են և իրեն արտաքսել՝ պահանջելով 374.814 եվրո փոխհատուցում 1992թ. հունիսին Գյուլիստանից հարկադրաբար տեղահանվելու ու այնտեղ թողած ունեցվածքը հետ բերելու անկարողության համար:

ՄԻԵԴ-ի մեծ պալատը արդար վճռել է կայացրել՝ Ադրբեջանը պետք է Մինաս Սարգսյանի զավակներին՝ Վլադիմիր և Ծովինար Սարգսյաններին, վերոհիշյալ պատճառներով 35.000 եվրո վճարի: Գումարը պետք է վճարվի վճռի կայացմանը հաջորդող 3 ամսվա ընթացքում: