Շառլ Ազնավուրին ու նրա քրոջը Ռաուլ Վալենբերգի անվան մեդալ կշնորհվի

«Ռաուլ Վալենբերգ» միջազգային հիմնադրամը Ռաուլ Վալենբերգի անվան մեդալ կշնորհի աշխարհահռչակ ֆրանսահայ շանսոնյե Շառլ Ազնավուրին ու նրա քրոջը՝ Աիդա Ազնավուրին:

Ինչպես տեղեկացնում է Asbarez-ը,  մրցանակը կշնորհվի ի նշան Ազնավուրի ընտանիքի՝ հոր՝ Միշայի, մոր՝ Քնարի ու նրանց 2 զավակների հանդեպ հարգանքի, որոնք Երկրորդ համաշխարհային պատերազմի տարիներին օգնել են ֆաշիստների կողմից հալածվողներին:

Ազնավուրների ընտանիքը մտերիմ հարաբերություններ է ունեցել Միսաք Մանուշյանի դիմադրության խմբի անդամների հետ և իրենց փարիզյան բնակարանում ապաստան առաջարկել հրեաներին և այլ ազգերի ներկայացուցիչներին՝ վտանգելով իրենց սեփական կյանքը:

Վալենբերգի անվան մեդալի շնորհման արարողությունը կկայանա հոկտեմբերի 26-ին Իսրայելի նախագահի նստավայրում: Ազնավուրին կուղեկցի որդին՝ Նիկոլասը, իսկ Աիդան չի կարողանա ներկա գտնվել արարողությանը: