Ֆրանսիայում հրաժեշտ են տալիս Շառլ Ազնավուրին. ուղիղ միացում

Փարիզի Հաշմանդամների տանը տեղի է ունենում աշխարհահռչակ ֆրանսահայ երգիչ-երգահան Շառլ Ազնավուրին հրաժեշտի արարողությունը: Հրավիրված են Ֆրանսիայի նախկին նախագահները, քաղաքական գործիչները, նաև հայկական համայնքի ներկայացուցիչներ ու մշակութային աշխարհի մարդիկ: Ազնավուրի ընտանիքի ցանկությամբ նրա հիշատակի արարողությունը տեղի է ունենում «սթափ և արժանապատիվ» պայմաններում` առանց մարդկանց հսկայական ներկայության:

Արարողությանը ներկա են նաև ՀՀ վարչապետ Նիկոլ Փաշինյանը` տիկնոջ հետ, ՀՀ նախագահ Արմեն Սարգսյանը` տիկնոջ հետ, Ամենայն Հայոց կաթողիկոս Գարեգին Բ-ն: Ի դեպ, Նիկոլ Փաշինյանը ելույթ է ունենալու արարողության ժամանակ: Հնչելու են Ֆրանսիայի և Հայաստանի օրհներգերը: