Արցախը մեկուսացված է միջազգային հանրությունից Ադրբեջանի հայատյաց դիրքորոշումների պատճառով. Արտակ Բեգլարյան

Միջազգային բազմաթիվ կառույցներ հրաժարվում են Արցախում ծրագրեր իրականացնել, ու փաստարկը ոչ այնքան Արցախի չճանաչվածությունն է, որքան Ադրբեջանի ռեակցիան: Այս մասին ՀՀ խորհրդարանի մարդու իրավունքների պաշտպանության և հանրային հարցերի մշտական հանձնաժողովի նիստի ընթացքում հավաստիացրեց Արցախի ՄԻՊ Արտակ Բեգլարյանը: 

Նա մասնավորապես նշեց. «Մենք համատեղ պետք է մտածենք, թե ինչպես փորձենք այս սառույցը հալեցնել: Որոշակի ձեռքբերումներ լինում են, բայց դրանք համակարգային չեն: Պետք է համատեղ մտածենք՝ ինչպես միջազգային հարթակներում բարձրացնենք այս խնդիրն ու շոշափելի արդյունքներ ստանանք, այլ ոչ միայն հայտարարություններ», - ասաց պաշտպանը`հավելելով, որ չճանաչվածության և Ադրբեջանի հայատյաց ու ապակառուցողական դիրքորոշումների պատճառով Արցախը մեկուսացված է միջազգային հանրությունից: