Ադրբեջանի հայտարարություններն են ապակառուցողական. Դավիթ Տոնոյանն` իր հայտարարության արձագանքների մասին

Այսօր «Եռաբլուր» զինվորական պանթեոնում պաշտպանության նախարար Դավիթ Տոնոյանը լրագրողների հետ զրույցում անդրադարձավ վերջին օրերին Ադրբեջանում մեծ աղմուկ բարձրացրած` իր այն հայտարարության արձագանքներին, թե «Տարածքներ` խաղաղության դիմաց» ձևաչափը վերաձևակերպվում է  «Նոր պատերազմ՝ նոր տարածքների դիմաց»: Նշենք, որ Ադրբեջանում Դավիթ Տոնոյանի այս հայտարարությունը  որակել էին «ապակառուցողական»:

«Ադրբեջանի արտաքին գործերի և պաշտպանության նախարարությունների հայտարարություններն են ապակառուցողական: Կառավարությունը միասնական ծրագիր է իրականացնում, և  իմ ասածը բխում  է կառավարության ծրագրի առաջնահերթությունից: Զարմանում եմ՝ հանրությունը ինչի՞ վրա է զարմանում: Ես ավելի կարևոր խնդիրներ եմ այնտեղ քննարկել, մենք մեծ արդյունքներ ունենք թե'  խաղաղապահության ոլորտում, թե' միջազգային համագործակցության, թե' Հայաստան-Ամերիկա համագործակցության շրջանակներում»,-ասաց Դավիթ Տոնոյանը: