Թուրքիայում քրդամետ կուսակցությունը հայտարարություն է տարածել Իրաքի նախկին նախագահի մահվան մասին

Թուրքիայում քրդամետ Ժողովուրդների դեմոկրատական կուսակցությունը հայտարարություն է տարածել Իրաքի նախկին նախագահ, Քուրդիստանի հայրենասիրական կուսակցության առաջնորդ Ջելալ Թալաբանիի մահվան մասին:

Ըստ Demokrathaber-ի՝ ԺԴԿ-ն խոր վիշտ է հայտնել քրդերի շրջանում «Մամ Ջելալ» անունով հայտնի առաջնորդի մահվան կապակցությամբ՝ նշելով, որ նրա բացակայությունը զգալի կլինի տարածաշրջանի ժողովուրդների համար:

 «Մենք նրան հիշելու ենք որպես ժողովրդավարության պայքարի հերոսներից մեկը: Նա իր ամբողջ կյանքում պայքարեց հանուն քուրդ ժողովրդի ազատության և նվաճեց պատմության մեջ իր պատվավոր տեղը»,- նշվել է հայտարարության մեջ: