Պետդեպը նշել է, որ Թուրքիայում քրդամետ կուսակցությունը լուծարելու պահանջը վնասում է ժողովրդավարությանը

Քրդամետ Ժողովուրդների դեմոկրատական կուսակցությունը լուծարելու՝ Թուրքիայի գլխավոր դատախազի պահանջը վնասում է  ժողովրդավարությանը, ԱՄՆ-ն Անկարային կոչ է անում պահպանել խոսքի ազատության սկզբունքները: Այս մասին ասվում է պետդեպարտամենտի մամուլի ծառայության ղեկավար Նեդ Փրայսի կողմից չորեքշաբթի տարածված հայտարարության մեջ:

«Մենք հետևում ենք Ժողովուրդների դեմոկրատական կուսակցությունը լուծարելու շարունակական ջանքերին: Այս որոշումը կարող է անհիմն կերպով խարխլել թուրք ընտրողների կամքը, էլ ավելի խարխլել Թուրքիայում ժողովրդավարությունը և ր Թուրքիայի միլիոնավո քաղաքացիներին զրկել իրենց ընտրած ներկայացուցիչներից»,- նշել է նա:

«Մենք Թուրքիայի կառավարությանը կոչ ենք անում հարգել խոսքի ազատությունը` համաձայն Թուրքիայի Սահմանադրության դրույթների, ինչպես նաև Թուրքիայի միջազգային պարտավորությունների»,- հավելել է պետդեպարտամենտի խոսնակը:

Հիշեցնենք, որ Թուրքիայի գլխավոր դատախազությունը դիմել էր երկրի ՍԴ–ին՝ քրդամետ կուսակցությունը փակելու պահանջով։