Կառավարությունն ընդունեց ֆիզիկական կուլտուրայի և սպորտի մասսայական տարածման ազգային ծրագիրը

Այսօր կառավարության նիստում սպորտի և երիտասարդության հարցերի նախարար Հրաչյա Ռոստոմյանը ներկայացրեց «Ֆիզիկական կուլտուրայի և սպորտի մասսայական տարածման ազգային ծրագրին հավանություն տալու մասին» հարցը:

Ֆիզիկական կուլտուրայի և սպորտի մասսայական տարածման ազգային ծրագիրը  մշակվել է սպորտի և երիտասարդության հարցերի նախարարության նախաձեռնությամբ:

Ծրագրի հիմնական նպատակն է ֆիզիկական կուլտուրայի և սպորտի մասսայական տարածումը՝ դրա մեջ ընդգրկելով բնակչության տարբեր տարիքային խմբերի՝ակնկալելով մասնակիցների թվի աճ: Ծրագրի նպատակն է նաև նպաստել Հայաստանի բնակչության աշխատանքի արտադրողականության բարձրացմանը,  բարոյակամային և ֆիզիկական որակների բազմակողմանի ու ներդաշնակ զարգացմանը, առողջության ամրապնդմանը, երկարակեցության ապահովմանը և ռազմահայրենասիրության դաստիարակությանը:

Որոշումն ընդունվեց: