Մրցույթ` ֆիզիկական կուլտուրայի ինստիտուտի ռեկտորի պաշտոնի համար

ՀՀ ԿԳ նախարարությունը հայտարարում է բաց մրցույթ «Ֆիզիկական կուլտուրայի հայկական պետական ինստիտուտ» պետական ոչ առևտրային կազմակերպության ռեկտորի թափուր պաշտոնը զբաղեցնելու համար:

«Ֆիզիկական կուլտուրայի հայկական պետական ինստիտուտ» պետական ոչ առևտրային կազմակերպության ռեկտորի թափուր պաշտոնի մրցույթին կարող են մասնակցել ՀՀ այն քաղաքացիները, ովքեր ունեն`

ա) գիտամանկավարժական աշխատանքի փորձ,

բ) գիտությունների դոկտորի գիտական աստիճան և պրոֆեսորի գիտական կոչում,

գ) ձեռնարկատիրական կամ կառավարման ոլորտի առնվազն երեք տարվա կամ առնվազն հինգ տարվա մասնագիտական աշխատանքային ստաժ, 

դ) ռեկտորի պարտականությունների կատարման համար անհրաժեշտ իրավական ակտերի իմացություն (այդ թվում՝ Հայաստանի Հանրապետության Սահմանադրություն, կրթության և գիտության ոլորտի Հայաստանի Հանրապետության օրենսդրություն և այլ իրավական ակտեր):

Հավակնորդը պարտավոր է ներկայացնել համալսարանի զարգացման և բարեփոխման հայեցակարգ (հիմնադրույթներ): Իսկ թե ինչ փաստաթղթեր է անհրաժեշտ ներկայացնել` կարդացեք հետեւյալ հղումով. http://edu.am/index.php?id=5792&topMenu=-1&menu1=-2&menu2=-1 :

Մրցույթին մասնակցելու համար դիմումները (փաստաթղթերը՝ բնօրինակներով) ներկայացնել 2013թ. հունվարի 18-ից մինչև փետրվարի 19-ը, ժամը՝ 10:00-ից 13:00-ը (բացի շաբաթ և կիրակի օրերից), ՀՀ ԿԳ նախարարության անձնակազմի կառավարման վարչություն: Մրցույթը տեղի կունենա 2013 թվականի մարտի 1-ին, ժամը 12:00-ին` Ֆիզիկական կուլտուրայի հայկական պետական ինստիտուտում: