Ապրիլյան պատերազմում վիրավորված 12-ամյա տղան արդեն առանց հենակների է քայլում

Քառօրյա պատերազմում հակառակորդի արկակոծման հետևանքով դպրոց գնալու ճանապարհին վիրավորված 12-ամյա Վարդան Անդրեասյանն արդեն կազդուրվել է:

Yerkir.am-ի հետ զրույցում Ստեփանակերտի «Արևիկ» մանկական հիվանդանոցի բժիշկներից Գևորգ Ջհանգիրյանը հայտնեց, որ տղան արդեն քայլում է առանց հենակների:

«Վարդանը ստացել էր աջ ազդրոսկրի բազմաբեկորային վնասվածք, և ոտքին արտաքին ֆիքսացիայի սարք էր տեղադրվել: Երբ բավարար չափով ամրացել էր ոտքը, հանեցինք սարքը: Սակայն մի քանի ամիս առաջ` մարտին, երեխան ընկել էր և նույն ոտքը կոտրել` նույն տեղից: Նորից վիրահատական միջամտության կարիք եղավ` իմպլանտ տեղադրեցինք: Որոշ ժամանակ անց պետք է նորից վիրահատենք, որ իմպլանտը հանենք, և վերջ»,- ասաց Ջհանգիրյանը: