Ապրիլյան պատերազմում վիրավորված զինծառայողին կտեղափոխեն Մոսկվա

Ապրիլյան պատերազմի ընթացքում վիրավորված զինծառայողներից երկուսը՝ Արման Լազգյանն ու Ռուբեն Առաքելյանը, ներկայումս բուժվում են արտերկրում, մասնավորապես` Գերմանիայում: Վաղը ևս մեկ վիրավոր վերականգնողական բուժման նպատակով, ամենայն հավանականությամբ, կտեղափոխվի Մոսկվա: Այս մասին այսօր, Yerkir.am-ի հարցին ի պատասխան, ասաց ՀՀ զինված ուժերի ռազմաբժշկական վարչության պետ, գնդապետ Կամավոր Խաչատրյանը:

Նրա խոսքով՝ ապրիլյան դեպքերից հետո ծայրահեղ ծանր վիճակում գտնվող 9 զինծառայող է եղել, որոնցից ներկայումս շարունակում են վերականգնողական բուժում ստանալ երեքը:

«Նրանցից երկուսը բուժում են ստանում Կենտրոնակական կլինիկական հոսպիտակում, իսկ մեկը` «Արթմեդ» բժշկական կենտրոնում: Եվս վեց հոգի կարիք ունեն շարունակական վերականգնողական բուժումների՝ տարբեր վերականգնողական կենտրոններում»,- հայտնեց Խաչատրյանը: