Կյանքից հեռացել է կինոռեժիսոր Հենրիկ Մարգարյանը

Երեկ 92 տարեկանում կյանքից հեռացել է ՀՀ արվեստի վաստակավոր գործիչ, կինոռեժիսոր Հենրիկ Մարգարյանը:

Մարգարյանը 1955-ից աշխատել է «Հայֆիլմ»  կինոստուդիայում` որպես ռեժիսոր: 1972-ից Հայաստանի հեռուստատեսային ստուդիայում իրականացրել է հեռուստատեսային բեմադրություններ: Ավելի քան 30 տարի ղեկավարել է կինոստուդիային կից կինոդերասանի դպրոց-ստուդիան:

Նկարահանել է մի շարք ֆիլմեր, որոնցից թվում են «Եղիշե Չարենց», «Անհնազանդ սերունդ», «Նվագախմբի տղաները», «Տերտերին ուխտը», «Բարեկենդան», «Հող եւ ոսկի»,  «Խաչմերուկի դեղատունը» ֆիլմերը:

Մարգարյանը` որպես դերասան, նկարահանվել է մեկ անգամ՝ «Տակառագործը» ֆիլմում: