Արաբական երկրները երկարաձգել են Քաթարին ներկայացված վերջնաժամկետի գործողությունը

Սաուդյան Արաբիան, ԱՄԷ-ն, Բահրեյնը և Եգիպտոսը երկարաձգել են Քաթարին ներկայացված վերջնաժամկետի գործողությունը 48 ժամով. հայտնում է РИА Новости-ն:

Երկուշաբթի Քուվեյթը կոչ է արել արաբական գործընկերներին` Դոհային լրացուցիչ ժամանակ տալ ներկայացված պահանջներին պատասխան տալու համար:

Ավելի վաղ չորս արաբական երկիր՝ Սաուդյան Արաբիան, Եգիպտոսը, ԱՄԷ-ն և Բահրեյնը Քաթարին ներկայացրել էին 13 պահանջից բաղկացած ցանկ, մՄասնավորապես` պահանջել խզել դիվանագիտական հարաբերություններն Իրանի հետ, փակել թուրքական ռազմաբազան, դադարեցնել ահաբեկչական խմբավորումների ֆինանսավորումը, ինչպես նաև փակել «Ալ Ջազիրա» արբանյակային հեռուստաալիքը:

Վերջնաժամկետի ժամկետն ավարտվել է կիրակի երեկոյան: