Վարդենիս-Շորժա ճանապարհին ՊՆ մեքենայի վթարից տուժած զինվորների վիճակը բավարար է. նախարար

Հունիսի 24-ին Վարդենիս-Շորժա հատվածի 25-րդ կմ-ում ՊՆ պետհամարանիշերով մեքենայի կողաշրջման հետևանքով տուժած զինծառայողների առողջական վիճակը բավարար է: Այս մասին ՊՆ-ում լրագրողների հետ հանդիպման ժամանակ ասաց ՀՀ պաշտպանության նախարար Վիգեն Սարգսյանը:

Հարցին` արդյո՞ք տվյալ մեքենան շահագործել կարելի էր, նախարարը պատասխանեց. «Ըստ նորմատիվների` այն շահագործման ենթակա է եղել, և թույլատրվել է 20 անձ տեղափոխել, իսկ այդ մեքենայում եղել է 18 զինծառայող»:

Ըստ նախարարի` որքան շատ են փոխադրումներ իրականացնում, այնքան մեծ է վթարվելու հավանականությունը:

Սարգսյանի խոսքով` մեծածավալ աշխատանք է տարվել զինված ուժերի մեքենաները թարմացնելու ուղղությամբ: