Հերոսություն չեմ արել, իմ գործն եմ կատարել. հակառակորդի 3 տանկ խոցած Շուլի Հակոբյանի ծննդյան օրն է

Այսօր ապրիլյան պատերազմին հակառակորդի երեք` T 72 տանկ խոցած Շուլի Հակոբյանի ծննդյան օրն է:

 «Մարտական խաչ» 2-րդ աստիճանի շքանշանի ասպետը ապրիլյան պատերազմում 30 րոպեում երեք տանկ է ոչնչացրել:

 Yerkir.am-ի հետ զրույցում Շուլին ասել է. «Մենք պարզապես պետք է դասեր քաղենք 2016-ից, ոչ թե կորցնենք, նոր գնահատենք:  Պետք է գիտակցենք, որ այն զինվորը, ում մասին մենք խոսում ենք, 25 տարի է` պոստ է պահում,  25  տարի անկախ Հայաստանի սահմաններն է պահում: Ես ուզում եմ`  ժողովուրդը զգոնանա:  Խրամատում կանգնած զինվորն էսպես, թե էնպես զգոն է լինելու, թող մեր յուրաքանչյուր քաղաքացին նույնքան զգոն լինի, որքան խրամատում կանգնած զինվորը»: