Այս պահին Երևանում sett-weather
Փոխարժեքներ 22 11 2024
USD ⚊ $ 389.76
EUR ⚊ € 406.4
RUB ⚊ ₽ 3.79
GBP ⚊ £ 488.37
GEL ⚊ ₾ 142.31
կարևոր
0 դիտում, 7 տարի առաջ - 2017-05-31 19:26
Հասարակություն

Գործարկվել է Աստանա-Երևան ուղիղ չվերթը

Գործարկվել է Աստանա-Երևան ուղիղ չվերթը

Ինչպես հաղորդում է ԱԳ նախարարության մամուլի ծառայությունը, մայիսի 31-ին Աստանայի օդանավակայանի մամուլի կենտրոնում տեղի ունեցավ ճեպազրույց` նվիրված Աստանա-Երևան ուղիղ չվերթի գործարկմանը: 

Ճեպազրույցին մասնակցում էին Ղազախստանում ՀՀ դեսպան Արա Սահակյանը, «ՍԿԱՏ» ավիաընկերության խորհրդի նախագահ Վլադիմիր Դենիսովը, «Աստանայի միջազգային օդանավակայան» ընկերության վարչության նախագահ Պաոլո Ռիչիոտտին, ՂՀ քաղավիացիայի կոմիտեի նախագահ Տալգատ Լաստաևը, ՂՀ ներդրումների և զարգացման նախարարության տնտեսական ինտեգրման դեպարտամենտի տնօրեն Երլան Աբսատովը:

Ճեպազրույցի մասնակիցները միակարծիք էին, որ երկու երկրների մայրաքաղաքների միջև հաստատվող ուղիղ չվերթը դրական ներգործություն կունենա երկկողմ հարաբերությունների վրա` հատկապես զբոսաշրջության, փոխայցելությունների, առևտրատնտեսական կապերի զարգացման առումով: 
Դեսպան Սահակյանն ընդգծեց, որ վերջին հինգ տարում ՀՀ դեսպանությունը գործուն քայլեր է ձեռնարկել չվերթի գաղափարը կյանքի կոչելու համար և հույս հայտնեց, որ չվերթը մշտական բնույթ կկրի: 

Շնորհավորելով ներկաներին ուղիղ չվերթի գործարկման առիթով` դեսպանը հրավիրեց ղազախստանցիներին այցելել Հայաստան և ծանոթանալ երկրի զբոսաշրջային հնարավորություններին:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը