Գերմանիան Ռուսաստանի առաջատար տնտեսական գործընկերն է. Պուտին

ՌԴ նախագահ Վլադիմիր Պուտինը և Գերմանիայի կանցլեր Անգելա Մերկելը համատեղ մամուլի ասուլիսի ժամանակ պատմել են, թե ինչ թեմաներ են շոշափել Սոչիում կայացած հանդիպման ժամանակ. հայտնում է РИА Новости-ն:

Այսպես` ի թիվս այլ հարցերի ղեկավարները անդրադարձել են երկկողմ համագործակցությանը:

Պուտինն ընդգծել է, որ Գերմանիան շարունակում է լինել Ռուսաստանի առաջատար տնտեսական գործընկերը` չնայած հայտնի քաղաքական դժվարություններին և գլոբալ տնտեսական կոնյունկտուրայի տատանումներին: Նա ուշադրություն է դարձրել այն հանգամանքի վրա, որ երկու երկրների միջև առևտրաշրջանառությունն աճել է:

Մերկելն, իր հերթին, նշել է, որ Պուտինի հետ բանակցությունները ինտենսիվ են  ընթանում և Ռուսաստանը կառուցողական գործընկեր է: Նրա խոսքով` Մոսկվան և Բեռլինը պետք է միշտ շարունակեն երկխոսությունը` չնայած առկա խնդիրներին: