Պուտինը և Պորոշենկոն հեռախոսազրույց են ունեցել. Коммерсантъ

Մոսկվայում և Կիևում աղբյուրների տվյալներով` ՌԴ նախագահ Վլադիմիր Պուտինը և Ուկրաինայի նախագահ Պյոտր Պորոշենկոն շարունակում են հեռախոսազրույցներ ունենալ:

Մասնավորապես` երկու երկրների ղեկավարները քննարկել են իրավիճակը  Դոնբասում: Հեռախոսազրույցը տեղի է ունեցել ապրիլի կեսերին. հայտնում է Коммерсантъ-ը:

Մոսկվայում աղբյուրի խոսքով` նախագահները ստիպված են եղել կատակել, որպեսզի չվիճեն, սակայն, ընդհանուր առմամբ, հեռախոսազրույցը հարգալից մթնոլորտում է անցել: Աղբյուրը նաև հավելել է, որ հեռախոսազրույցի ընթացքում, որը տևել է 20 րոպե, ոչ մի կոնկրետ պայմանավորվածություն ձեռք չի բերվել:

Կիևում աղբյուրը հավելել է, որ Պուտինը և Պորոշենկոն քննարկել են գերիների փոխանակման, Դոնբաս մթերքի, ջրի և էլեկտրականության մատակարարման, ինչպես նաև ինքնահչակ հնարապետությունների բնակիչներին թոշակ տրամադրելու հարցերը: