Պուտինը կմասնակցի 2018-ի ընտրություններին. Коммерсантъ

Կրեմլում գրեթե ավարտվել է Վլադիմիր Պուտինի նախագահական ռազմավարության մշակումը: Այդ մասին գրում է Коммерсантъ-ը`նախագահի աշխատակազմում աղբյուրներին հղումով:

Ըստ թերթի` այն բաղկացած է երկու փուլից. նոյեմբերին գործող նախագահը կհայտարարի այն մասին, որ կմասնակցի 2018-ի ընտրություններին և մի քանի քաղաքական միջոցառումների, այնուհետև` կինքնաառաջադրվի:

Ավելի վաղ Վլադիմիր Պուտինը բացատրել էր` ինչու չի խոսում իր առաջադրման մասին: Նրա խոսքով` հենց սկսվում է նախընտրական արշավը, բոլորը «դադարում են աշխատել»:

Ըստ աղբյուրի` իրադարձության ձևաչափը, որի ժամանակ Պուտինը կհայտարարի իր առաջադրման մասին, ինչ-որ տեղ կհիշեցնի «նախագահի հետ ուղիղ կապը»: