Երևանի թիվ 1 տուն-ինտերնատում անկողնային խնամք պահանջող անձանց համար մասնաշենք է կառուցվել

Այսօր կառավարության նիստում ՀՀ աշխատանքի և սոցիալական հարցերի նախարար Արտեմ Ասատրյանը ներկայացրեց աշխատանքի և սոցիալական հարցերի նախարարության «Երևանի թիվ 1 տուն-ինտերնատ» պետական ոչ առևտրային կազմակերպության տարածքում անկողնային խնամք ստացող անձանց սպասարկման նպատակով կառուցվելիք նոր մասնաշենքի շինարարական աշխատանքների իրականացում» դրամաշնորհային ծրագրի արտաբյուջետային հաշվի միջոցների ծախսման 2017 թվականի նախահաշիվը հաստատելու մասին հարցը:

Նախարարը հավելեց, որ այդ աշխատանքները նախաձեռնվել ու իրականացվել են Քուվեյթի և Հայաստանի կառավարությունների միջև կնքված համապատասխան համաձայնագրով, հատկացվել է 1 միլիոն դոլար: Մասնաշենքը կառուցվել է անկողնային խնամքի կարիք ունեցող շուրջ 70 անձանց համար: Գումար է հատկացվել նաև մասնաշենքի կահավորման համար: