Էրդողանի հաղթանակը հանգեցրեց պառակտված Թուրքիայի. The Times

Էրդողանի հաղթանակը հանգեցրեց պառակտված Թուրքիայի. այսպես է արձագանքել անգլիական The Times թերթը Թուրքիայում կայացած հանրաքվեին և դրա արդյունքներին:

Ըստ Demokrathaber-ի՝ Հաննա Սմիթի հոդվածում հեղինակը հանրաքվեն համեմատել է «դանակի եզրի» հետ՝ հաշվի առնելով այն փաստը, որ արդյունքների հրապարակումից հետո պահանջվել է վերահաշվարկել քվեաթերթիկները: Հեղինակի խոսքով՝ դա վառ ապացույց է, որ արդյունքները կարող են խորացնել թուրքական հասարակության պառակտումը:

Սմիթը քվեաթերթիկները վերահաշվարկելու վերաբերյալ իր անձնական կարծիքն է հայտնել՝ չբացառելով, որ այդ դեպքում Թուրքիայում անխուսափելիորեն կլինեն զանգվածային ցույցեր:

Հեղինակն իր հոդվածում նաև ուշադրության է արժանացրել այն փաստը, որ Թուրքիայում ընտրությունների բարձրագույն խորհուրդը «այո» է համարել անվավեր և անկնիք քվեաթերթիկները:

Times-ի հետ զրույցում հագուստի վաճառքով զբաղվող թուրք քաղաքացին նշել է, որ Թուրքիայի տնտեսությունն օրեցօր վատանում է: Նա համամիտ է եղել այն մտքին, թե Թուրքիան ավելի իսլամացնելու ուղղությամբ ջանքեր են գործադրվում: