Նախկին ոստիկանապետը Հովիկ Աբրահամյանի որդուց 5 անգամ պակաս ձայն է ստացել

ԿԸՀ-ն ամփոփել է բոլոր ընտրատեղամասերի ռեյտինգային թեկնածուների ձայների տվյալները:  Թիվ 5 ընտրատարածքն ընդգրկող Արարատի մարզում «Ելք» դաշինքից առավել ձայն է ստացել Ռազմիկ Թևոնյանը` 4221 ձայն:

«Ծառուկյան» դաշինքից`Հովիկ Աբրահամյանի որդին, Գագիկ Ծառուկյանի փեսան` Արգամ  Աբրահամյանը, ստացել է 34 415 ձայն, իսկ Ստեփանյան Տիգրանը` 4354 ձայն:  

ՀՀԿ թեկնածուներից Գրիգորյան Արայիկը ստացել է 45 339 ձայն, հանրապետական Մուրադ Մուրադյանը` 18 202, իսկ նախկին ոստիկանապետ Ալիկ Սարգսյանը` 6 530 ձայն:

Արարատի մարզի ՀՅԴ ռեյտինգային թեկնածուներից առավել ձայներ ստացել է փոխմարզպետ Հայրապետ Բաբայանը` 1049 ձայն, իսկ Գնել Սարգսյանը` 1058: