Ժիրինովսկին սպառնացել է պատգամավորներին

Ռուսաստանի Լիբերալ-դեմոկրատական կուսակցության ղեկավար Վլադիմիր Ժիրինովսկին ասել է, որ Պետդումայում ելույթի ժամանակ գնդակահարության և կախաղան հանելու մասին իր արտահայտությունները վերաբերում են իրական հանցագործներին, ոչ թե` պատգամավորներին. հայտնում է Интерфакс-ը:

Նա նշել է, որ խոսել է մաֆիայի, հանցավորության և կոռուպցիայի մասին:

Մարտի 15-ին կուսակցության բոլոր անդամները, Ժիրինովսկիի գլխավորությամբ, լքեցին նիստերի դահլիճը: Ժիրինովսկին «Եդինայա Ռոսիա»-ին մեղադրել էր մերձմոսկովյան Ռուզայում իր կուսակցության անդամների վրա ճնշում գործադրելու մեջ: «Մենք ձեզ դատի կտանք: Մյուս տարվա մայիսին ես կգամ Կրեմլ և ձեզ կգնդակահարեմ ու կախաղան կհանեմ, ստորնե'ր»,- ասել էր նա: